एजेन्सी। उत्तर कोरियाली शासक किम जोङ उनको हत्याको षड्यन्त्र उनका आफ्नै फुपाजुले बनाएको खुलासा भएको छ । आफ्नो हत्याको षड्यन्त्र भएका कारण किमले आफ्ना काकालाई मारिदिएको एक समाचार संस्थाले खुलासा गरेको छ ।
किमले आफ्ना काका जेंग सोंग थाएकलाई २०१३ मा भोका कुकुरको अगाडि फलेर मारिदिएका थिए । थाएकले अहिलेका शासक किमको ठाउँमा उनका सौतेनी भाइ किम जोंग नामलाई शासक बनाउने षड्यन्त्र गरेका थिए । थाएकले यसबारेमा तत्कालीन चीनका राष्ट्रपति हु जिन्ताओसँग छलफलसमेत गरेको समाचार संस्था ‘निकेइ एशियन रिभ्यु’ले खुलासा गरेको ।
२०११ मा उत्तर कोरियाका शासक किम जोंग इलको निधन भएपछि उनका छोरा किज जोंग उनले सत्ता सम्हालेका थिए । तर यतिबेला उनसँग सैनिक शक्ति थिएन । यसको फाइदा उनका फुपाजु थाएकलेले उठाउन चाहेका थिए । थाएक त्यतिबेला सैनिक प्रमुख थिए । तर यसको लागि थाएकलाई चीनको सहयोग आवश्यक थियो ।
यही सिलसिलामा थाएकले हु जिन्ताओसँग बेइजिङमा भेट गरेका थिए । थाएकको योजना सफल पनि हुन सक्थ्यो तर चीनका एक नेताले यो गुप्त जानकारी लिक गरिदिए । समाचार संस्था द टेलिग्राफका अनुसार चीनको पोलिटब्यूरो स्ट्याण्डिङ कमिटीका पूर्व सदस्य झाउ योंगकांगको त्यतिबेला किमसँग राम्रो सम्बन्ध थियो । यही कारण झाउले सूचना लिक गरिदिएका थिए ।
0 comments:
Post a Comment